VOV4.M'nông: Nar 22/4, ta Nhih pah kan Chính phủ, Groi Thủ tướng rnâng kan Chính phủ Phạm Bình Minh hŏ wơt Thứ trưởng Ngoại giao Tòa thánh Vatican, Đức ông Miroslaw Wachowski nkhêp geh hăn khâl Việt Nam râng n'hanh ƀư tơm rơh hop rvăch tâl 9 Rmôt pah kan rgum Việt Nam – Tòa thánh Vatican.  Groi Thủ tướng rnâng kan Phạm Bình Minh mpơl nău rhơn ta năp ăp njuat hun hao uĕh bah tâm boh Việt Nam n'hanh Vatican. Thứ trưởng Miroslaw Wachowski lah uĕh nău wơt bah Chính phủ Việt Nam n'hanh lah rjăp Giáo hoàng Francis n'hanh Tòa thánh way ŭch rŏng tâm boh đah Việt Nam n'hanh Tòa thánh nar lơn ma hun hao, nta trong dơh gay Mpôl Công giáo Việt Nam rgop an nău hun hao bah neh dak. Thứ trưởng tâm ban ŭch ăp trong ntrŭt ntrôl tâm boh đah bar ding tâm let năp tay, lơn lah n'hao âk tơ̆ tâm mâp đah bar ding n'hanh mât ăp nău way nsŏng kơl dôl geh aƀaơ./.

Nuĭh rblang: Điểu Thân