Ủy ban Thường vụ Quốc hội mhe n’glêh an rgum rơh hop tâl 5, Quốc hội khoá 15. Tĭng nău nchrăp, Quốc hội rgum hop ta Jay Quốc hội n’hanh dơi ƀư jêng 2 rơh: Rơh bôk năp ntơm bah nar 22/5 tât nar 10/6 n’hanh rơh 2 ntơm bah nar 19/6 tât nar 23/6.

Rơh hop dja, Quốc hội mbra mĭn uănh, an dŏng 8 luật, lah: Luật Mât njrăng nău dơi nuĭh dŏng ndơ (rgâl nkra); Luật Đấu thầu (rgâl nkra); Luật Giá (rgâl nkra); Luật Giao dịch điện tử (rgâl nkra); Luật Hợp tác xã (rgâl nkra); Luật Njrăng n’gang neh dak nuĭh ƀon lan; Luật rgâl nkra, dơi ntop du đêt nkô̆ bah Luật Công an ƀon lan; Luật rgâl nkra, kơi ntop du đêt nkô̆ bah Luật luh lăp dak bah dih bah ƀon lan Việt Nam n’hanh Luật luh, lăp, manh rlu jâng, manh gŭ bah nuĭh dak bah dih ta Việt Nam. 8 trong nchrăp luật mbra dơi Quốc hội an nău rgop đŏng, lah: Luật Neh ntu (rgâl nkra); Luật tăch rgâl neh ntu (rgâl nkra); Luật jay gŭ (rgâl nkra); Luật tơm dak (rgâl nkra); Luật Viễn thông (rgâl nkra); Luật Mât dŏng ndơ njrăng n’gang neh dak n’hanh nkual tahen; Luật Căn cước công dân (rgâl nkra); Luật Các tổ chức tín dụng (rgâl nkra)./.