VOV4.M'nông: Kêng măng 4/4, Rơh hop way ăp khay khay 3 bah chính phủ nthoi tay đah pah kan rdâk njêng pháp luật. Chính phủ hŏ djăt, tâm nchră dăn đă rdâk njêng Luật mât, dŏng tơm prăk ngih dak ntuh kơl tâm pah kan nkret njêng, tăch rgâl ta doanh nghiệp (rgâl nkra); dăn đă rdâk njêng trong nchrăp Luật hun hao công nghiệp; trong nchrăp Luật but, săm si; mbơh mpeh quy định n'glĕ an hvi dŏng neh tĭng rơh đah ăp nkual công nghiệp geh rnoh hvi rlău 500 ha tâm trong nchrăp Nghị định mpeh mât dŏng nkual công nghiệp n'hanh nkual wăng sa. Tâm nchră mpeh nkô̆ rdâk njêng pháp luật, ăp nuĭh kan Chính phủ hŏ ƀư kloh tay nău khlay ân geh ăp trong nchrăp kan, dăn đă rdâk njêng Luật dja; ăp ntŭk kol khan, ân nkra bah, nău tâm di, bluh rlău, ăp kôp đah ăp luật...nsing kalơ nău mĭn an dŏng luật mô dơn gay mât dŏng ma njêng trong soih an nău tâm di rhŏ dŏng, ntrŭt ntrôl hun hao. N'glôch jêh mpeh nkô̆ rdâk njêng pháp luật, Thủ tướng Chính phủ hŏ tâm ban ŭch mpeh nkô̆ ăp trong nchrăp luật n'hanh nău tâm nchră bah ăp nuĭh kan tâm Chính phủ. Thủ tướng jao an ăp bộ, nhih pah kan geh tât ƀư tơm, kan nsum ƀư rgum lôch jêh ăp tŏng nău mbơh rblang Quốc hội mĭn uănh./.

Nuĭh rblang: Điểu Thân