Nar 20/4, Hội đồng nhân dân n’gor Dak Lak ƀư rơh hop way nkô̆ tâl 8, khoá X, năm kan 2021-2026 gay ŭanh năl, n’glêh an du đêt nkô̆ mpeh nău dơi nău kan khlay, jăch ndăn gay tĭng ƀư jăp nău dơn kan hun hao wăng sa- rêh jêng kon nuĭh năm 2023 n’hanh ăp năm bah kơi nê.

Ta rơh hop dja, Hội đồng nhân dân n’gor Dak Lak mĭn ŭanh, n’glêh an ăp nkô̆ mpeh trong kan prăk kaih, ngân hàng, neh ntu, ntuh kơl nsum, ăp rnoh tât kan gưl neh dak; trong kơl đah cán bộ, công chức, viên chức…Tâm nê dŭt njrăng lah ăp Nghị quyết tâm pă tơm prăk dŏng an n’gâng kan tĭng ƀư ăp rnoh tât kan gưl neh dak năm 2023; Nghị quyết Quy định rnoh mbrô rgâl khlay neh dŏng an năm 2023 ta n’gor Dak Lak; Nghị quyết an ntoch jong tĭng ƀư n’hanh n’gluh tơm prăk ntuh kơl năm 2022 an năm 2023 tơm prăk ngân sách n’gor;  Nghị quyết mpeh kơi ntop tơm prăk ngân sách n’gor an trong nchrăp ntuh kơl ƀư trong Hồ Chí Minh der mpeh nhâp nar nkual ƀon têh Buôn Ma Thuột (tă bah hao khlay neh đă ntrơn du)…