VOV4.M’nông-  Ôi nar 12/10 tay, ta Hà Nội mbra geh ƀư rơh kahgĭt nar doanh nhân Việt Nam 13/10 n’hanh ryơk rnê “Doanh nhân ntoh lư” năm 2022. Aơ lah nău mbơh geh ndơ̆ mbơh ta rơh rƀŭn nchră ôi nar 6/10 bâh Liên đoàn tăch rgâl n’hanh công nghiệp Việt Nam (VCCI). Ta rơh rƀŭn nchră, kruanh VCCI Phạm Tấn Công mbơh lĕ rngôch ăp nău kan khlăy na nê̆ vơt rhơn nar Doanh nhân Việt Nam 13/10 năm aơ.

Tâm nĕ, dŭt nkah lah geh 2 nău kan dŭt khlăy lah rơh tâm nchră khoa học “Nău mĭn doanh nhân n’hanh văn hóa tăch rgâl Việt Nam tâm rơh mhe” n’hanh rơh kahgĭt nar Doanh nhân Việt Nam n’hanh ryơk rnê “Doanh nhân Việt Nam ntoh lư” năm 2022. Rnâng kan leo kan ƀư ta rơh rƀŭn nchră mbơh tơih lĕ an gĭt mpeh nău ntĭt mpơl mhe bâh Doanh nhân Việt Nam ntoh lư aơ. Tĭng nĕ, nău ntĭt geh 6 mbah ntĭt an 6 nău mpŏng nău mĭn kan ueh doanh nhân Việt Nam yor VCCI mbơh tơih: Njêng nău khlăy mpeh wăng sa an ntŭk rêh jêng; ƀư tĭng pháp luật, kloh rjăp, tâm ban, nău mĭn kan ueh, mĭn kan mhe, tâm kơl, ndrel hun hao, ryơk nău ơm geh, mât ueh ntŭk gŭ rêh; rŏng dak, geh nău dơn kan đah ntŭk rêh jêng n’hanh rnăk vâl.

VOV/ Nuĭh rblang: Thị Đoắt