Nar ntri (11/9), ta Thủ đô Hà Nội, hŏ ƀư  rơh mâp gưl têh đah Đảng Cộng sản Việt Nam n’hanh Đảng Ƀon lan Cách mạng Lào tă bah Tổng Bí thư, Kruanh dak Tô Lâm n’hanh Tổng Bí thư, Kruanh dak Lào Thoong-lun Xỉ-xu-lít ndrel ƀư tơm. Ta rơh mâp, bar Tổng Bí thư, Kruanh dak lah rjăp tâm boh Việt Nam - Lào lah drăp ndơ nsum dŭt khlay bah bar rnoi nuĭh, lah dŭt khlay di ngăn n’hanh lah tơm suan dăng dŭt têh kuâng bah bar Đảng, bar Ngih dak n’hanh ƀon lan bar dak, ân ntik n’hao, mât ndray tay n’hanh nđơn tay an  ăp rơh kơn kon său bah kơi tay. 

Tổng Bí thư, Kruanh dak Tô Lâm lah rjăp năp kơi tâm ban ngoăy, tâm boh Việt Nam - Lào way lah an lor dâk bôk năp tâm trong tâm boh dak bah dih bah Việt Nam. Tổng Bí thư, Kruanh dak Thoong-lun Xỉ-xu-lít lah rjăp tâm moh ntil nău jêr jŏt, Lào mbra ndrel Việt Nam rdâk tay, mât ndray n’hanh bun dăp tâm boh tâm rnglăp Việt Nam - Lào nar lơn ma hun hao, luh kao kơn play, yor ma nău geh ngăn ngăn bah ƀon lan bar dak, yor đăp mpăn n’hanh hun hao bah nkual n’hanh lam ntŭr neh.