VOV4.Mnông- Ôi nar 6/4, nĕ lah nar 6/3 âm lịch, ta Đền thờ Đức Quốc tổ Lạc Long Quân n’hanh Đền mẫu Âu Cơ ta nkual di tích lịch sử Đền Hùng, nkuăl ƀon têh Việt Trì, Đảng bộ, n’gâng kan n’hanh ƀon lan n’gor Phú Thọ ndơn kan an ƀon lan, tahen lam dak, ƀon lan he ta dak bah dih ƀư rơh nkah gĭt drô phan Lạc Long Quân n’hanh mpoh nhang kahgĭt Tổ mẫu Âu Cơ.

Ăp đại biểu tât mpoh su nhang kahgĭt drô phan Lạc Long Quân

Rơh nkah drô phan Lạc Long Quân n’hanh mpoh nhang  Tổ mẫu Âu Cơ geh ƀư dŭt ueh, dŭt ryơk tĭng nău way ơm, mât đăp mpăn njrăng rdâng nuh srê Covid-19. Đah nău way ơm “Ngêt dak kahgĭt tu”, kahgĭt tât nău kan bôk năp lah nău ueh êng way ơm bâh rnoi nơm.

Nuĭh leo kan n'gor Phú Thọ mpoh nhang  drô phan Lạc Long Quân

Kahgĭt đah tơm yău Lạc Long Quân n’hanh tổ mẫu Âu Cơ lĕ ntơm njêng an mpôl rnoi, njêng ngih dak, njêng an nău hun hao mpôl rnoi neh dak. Kon său lạc hồng mbor mbrăng kahgĭt tât nău kan têh kuăng bâh drô phan ơm yău Lạc Long Quân n’hanh nuĭh bôk năp lĕ geh kan rdâk njêng neh dak.

Nuĭh rblang: Thị Đoắt