Geh 4 rmôt nău geh ndơ̆ mbơh ta rơh ôp nău, ta ăp trong kan mât uănh bâh ăp n’gâng kan, lao động, thương binh n’hanh rêh jêng,Khoa học n’hanh công nghệ, mât uănh ntung trong-nchoăn rdeng n’hanh Ủy ban dân tộc.

Ndrel đah ăp kruanh n’gâng kan, kruanh ntŭk kan dơn mât uănh n’hanh ơh nău, 3 groi Thủ tướng chính phủ: Lê Minh Khái, Trần Lưu Quang, Trần Hồng Hà, kruanh n’gâng kan ăp n’gâng kan: Tơm prăk, kế hoạch n’hanh ntuh kơl, tuch tăm n’hanh hun hao nkual ƀon lan lĕ tât râng ơh nău, mbơh rblang, ƀư kloh tay ăp nkô̆ nău geh tât. Kruanh Quốc hội Vương Đình Huệ uănh năl, rơh ôp nău geh ƀư tâm nău ƀon lan ƀư tơm, kloh rjăp, ntoh n’gôr, geh âk nău mât kơl, uănh âk bâh ăp cử tri n’hanh ƀon lan lam dak. Ăp kruanh n’gâng kan bôl ma lah nuĭh lĕ geh nău blău kan mô lah mhe tât râng ơh nău bôk năp mbra dơi gĭt na nê̆ nău ngăn bâh n’gâng kan n’hanh trong kan nơm mât uănh, kloh rjăp, na nê̆ mô jêr jŏt, mô der kan, nđâp ma ăp nău jêr ngăn.