VOV4.M’nông- Măng nar naơ 6/9 ta ntŭk kan ntoh ngơi ngih dak 58 Quán Sứ, Hà Nội geh ƀư rơh pă giải nkhôm rnê Tiếng nói Việt Nam năm 2022. Aơ lah nău kan kahgĭt 77 năm nar njêng Radio nău ngơi Việt Nam (7/9/1945-7/9/2022). Ntơm pơk rơh pă giải Tiếng Nói Việt Nam, Tổng Giám đốc Radio nău ngơi Việt Nam Đỗ Tiến Sỹ lah na nê̆ bâh ăp rơh hun hao bâh neh dak, Radio nău ngơi Việt Nam way hăn ndrel đah ƀon lan, ueh răm n’hanh knơm. Lơ ma tâm nău jêr jŏt, nău klach rvê, lơ ma mpơl nău ŭch rŏng dơi kan, dơn kan bâh nuĭh ƀư báo Radio nău ngơi Việt Nam.

Tổng giám đốc radio nău ngơi Việt Nam lah na nê̆: Tâm rnôk rơh rgâl rnoh mbrô, radio nău ngơi Việt Nam lơ ma geh rgâl mhe n’hao nău dơi bâh nơm, an geh ăp nău mĭn kan way kan ntoh lư lah ntŭk kan mbơh nău ngăch, năn, mô geh tâm ƀah n’har bri. Lôch 1 năm rgŏ jă n’hanh chấm giải, rnâng kan leo kan lĕ geh săch pă giải thưởng Tiếng nói Việt Nam năm 2022 geh 5 giải A, 9 giải B n’hanh 11 giải C an 4 ntil nău chấm giải. Tâm nĕ rut nău nchih “Dah rŏng muĭh kăl bri ngih dak ƀư trong Trường Sơn” ntŭk kan Tây Nguyên geh giải A an tác phẩm báo chí ntoh ngơi.

Nuĭh rblang: Thị Đoắt