Rơh rƀŭn gưl prêh khóa 55 Hội đồng Nhân quyền Liên hợp quốc lĕ na nê̆ lôch tâm lơ 29/2, ta Giơ-ne-vơ-Thụy Sỹ. Mpôl gưl prêh bah Việt Nam yor Kruanh N’gâng kan tâm rnglăp nchră nău Bùi Thanh Sơn leo râng n’hanh geh nău ntoh ngơi khlay, mpơl nău rgop uĕh n’hanh lĕ đah nău kan bah Việt Nam đah ngoăy tâm âk ntŭl rlong ma lam ntŭr neh dôl rdâng.

Năm 2023, hao jêng wăng sa bah Việt Nam hôm e geh rlău 5%. Rnoh rnăk aach o hŭch tay hôm 3%. Rnoh dŏng an nău rêh jêng dơi kơl lor âk n’hanh mât ta rnoh 3% GDP tâm âk năm. Năm 2023, Việt Nam tăch n’gluh rlău 8 rkeh tấn phe, rgop đăp mpăn rnă njrăng ndơ sông sa n’hanh dơi gĭt ndơ sông sa an rkeh nuĭh ta ăp nkual ta lam ntŭr neh. Tă bah nău ntoh ngơi, Kruanh n’gâng kan Bùi Thanh Sơn ŭch rêng hvi băl mpôl lam ntŭr neh tă bah nău mbơh bah Việt Nam an lah: Nău Việt Nam dơi rhoăt tâm âk năm bah năp lah nău dơi kon nuĭh dơi đăp mpăn uĕh ngăn rnôk geh đăp mpăn n’hanh ryơk luật pháp lam ntŭr neh, tâm nĕ Ngih dak an nuĭh ƀon lan tâm nău khlay ăp nău kơl bah nơm gay đăp mpăn hun hao lĕ rngôch n’hanh nâp nâl.