Tâm rnôk ôp nau ndrel ơh nau ôp bah rơh rƀŭn tal 10, HĐND n’gor Lâm Đồng gưl X geh ƀư tâm lơ 12/7, nau kan pă săm ƀŭt ndâk ndrel mât nau đăp mpăn ndâk njêng lah nkô̆ nau tơm duih geh dŏng âk mông gay ma nkah nchră. Rơh rƀŭn tal 10, HĐND n’gor Lâm Đồng gưl X kơp dơn, nau kan pă săm ƀŭt ndâk ƀư ăp nau kan, ngăn lah ngih gŭ êng ndrel nau mât nau kan ngih dak mpeh nau đăp mpăn nau ndâk nkra ta Đà Lạt lah êng, n’gor Lâm Đồng lah nsum hôm geh âk nau ê dơi ndrel mô njrăng nâp, ân geh nau khuch hô.

Tâm nê, nau bư rlâm neh taluy, rlâm ntŭk ndâk nkra ngih ƀư 2 nŭih khĭt ndrel 5 nŭih êng rmanh geh tâm Phường 10, nkuăl ƀon têh Đà Lạt tâm ôi 29/6 lah du nau ntuh mhô ngăn. Ntoh nau tâm nar djăt ndrel mbơh nau tâm nar ôp, wa Trần Văn Hiệp, Kruanh UBND n’gor Lâm Đồng ân lah, nau kan rgum, đăp mpăn ndâk đô thị ân geh lŏ ƀư ân rjăp, tâm nchră ndrel leo luh trong rgum ƀư ân ngăn ân ăp nkuăl, ngăn lah tâm ntŭk geh yôk sŏng, tâm ƀah taluy hô./.