VOV4.M’nông: Ôi lơ 25/4, Uỷ ban mêt uănh bah Trung ương ƀư rƀŭn lam dak nchră nau kan mêt uănh tâm 3 khay bôk năm 2022, ntrŭnh ƀư nau kan tâm 3 khay tay năm 2022 tĭng nau ƀư sŏng ndrel trực tuyến tâm ăp ntŭk trong ƀoh lam dak. Wa Trần Cẩm Tú, uỷ biên Bộ chính trị, Bí thư Trung ương Đnảg, Kruanh Uỷ ban mêt uănh Trung ương ƀư tơm nar rƀŭn tâm ntŭk ntoh rup sŏng Hà Nội. Tâm 3 khay bôk năm 2022, rnoh ăp nau mêt uănh ăp gưl hao âk rđil rơh aơ năm e, ngăn lah rnôk uănh geh nau tih. Nau kan mêt uănh geh nau rgâl mhe, uănh khlay gay ma n’hao nau tam, nau ueh mêt uănh, nau ƀư rklaih phong dôih ân năn. Gay ƀư jêh bôk nau kan, nau nchrăp kan năm 2022 hŏ nchrăp luh, Uỷ ban mêt uănh Trung ương đă du đê̆ nau kan n’hêl, tâm nê đă ăp gưl uỷ, n’gâng kan mêt uănh ăp gưl ân geh nchrăp, nsôih ngăn tâm nau rđau, đă ndrel ƀư nau kan mêt uănh ndrel leo nau mhal tih, rgop nau ueh tâm nau kan ndâk njêng, ƀư nâp Đảng ndrel ntrong kan chính trị./.

Nŭih rblang: H’Thi