Ôi lơ 24/3, Đảng uỷ rmôt ăp ntŭk kan Trung ương ƀư rƀŭn mbơh nau nkô̆ nau 3 khay bôk năm 2023. Tâm nar rƀŭn, ăp ntoh măt geh djăt nkô̆ nau “Nau nkah văng sa năm 2022, ăp nau jêr, nau ntul rlong ndrel nau mpŏng năm 2023” ndrel du đê̆ nau kan tâm nchră tâm khay 1 ndrel 2 năm 2023. Nkô̆ nau geh mbơh hŏ rgop nau kơl an ân cán bộ, đảng viên, nŭih pah kan tâm rmôt kan geh nau uănh ueh, đah âk nau mbơh mhe tât văng sa Việt Nam tâm rơh rlau aơ.

Mpeh nau rƀŏng tâm 3 khay tât, Đảng uỷ ăp ntŭk kan Trung ương đă, ăp đảng uỷtâm ntŭk kan lŏ ƀư tâm dăch ndrel mra rgum ƀư ân săk tam nau ntrŭnh Đại hội XIII bah Đảng, nau kan hun hao văng sa rêh jêng bah 10 năm 2021-2030, nau nchrăp hun hao văng sa rêh jêng 5 năm 2021-2025, nau nchrăp kan bah Trung ương, Bộ chính trị, Ban Bí thư ndrel nau ntrŭnh bah Quốc hội mpeh nau nchrăp Hun hao văng sa rêh jêng năm 2023. Lŏ tâm rnglăp, nsôih ƀư nau kan ân prêh ngăn, rklaih nau jêr, ndăn nau tât, nau nkhêp gay ndâk tay ndrel hun hao văng sa rêh jêng./.