Nar 19/5, ta nkuăl ƀon têh Quy Nhơn, n’gor Bình Định, rnâng kan leo kan Trung ương tâm rgop đah n’gor Ủy Bình Định leo ƀư rơh tâm nchră “Nău kan hun hao Đảng tâm kon hoc, sinh viên ta nkual miền Trung- Tây Nguyên”.

Wa Trương Thị Mai, kruanh rnâng kan leo kan Trung ương leo kan n’hanh ntĭm đă tâm nchră. Ta rơh rƀŭn nchră, nuĭh leo kan du đê̆ ngih nti Đại học ta nkual miền Trung-Tây Nguyên an lah, nău kan hun hao Đảng viên tâm kon hoc, sinh viên tâm ba năp nơh geh ăp ngih nti uănh khlăy, ntop rnoh hun hao Đảng viên. Yơn lah, trong leo kan ntĭm nti tín chỉ khuch tât nău kan Đoàn, nău rêh rgum bâh sinh viên jêng ê hŏ geh ngăch saơ nuĭh mhe. Ăp nuĭh tâm rgop ta rơh tâm nchră ta rơh rƀŭn nchră lĕ ƀư kloh ueh lơn tay mpeh trong geh gĭt đah khoa học, ăp trong kan an tâm ban n’hanh mbơh tơih ăp trong kan ueh mpeh hun hao Đảng viên tâm kon hoc, sinh viên. Ntoh ngơi ta rơh tâm nchră, wa Trương Thị Mai, kruanh rnâng kan leo kan Trung ương dăn đă, tâm let năp tay, ăp n’gor Ủy, nkuăl ủy n’hanh ăp gâl ủy ăp ngih nti Đại học, ngih nti THPT ta nkual miền Trung-Tây Nguyên an geh uănh khlăy tay lơn tât nău kan hun hao Đảng tâm kon hoc, sinh viên.