VOV4.Mnông. Ôi nar 11/1, rnâng kan Bí thư leo ƀư rơh rƀŭn nchră lam dak nglôch lôch nău kan uănh nđôi ta năm 2021, mbơh tơih nău kan năm 2022. Ntoh ngơi ta rơh rƀŭn nchră, rnâng kan Ban Bí thư Võ Văn Thưởng lah na nê̆, gay ma n’hao ntrong kan, nău knơm, nău dơi leo kan neh dak, Đảng he an geh ntrôl dăng n’hanh ndơ̆ nău kan rdâk njêng Đảng, rgâl mhe Đảng hao ta rnoh âk lơn, ndrel đah rdâk njêng trong kan chính trị, njrăng, rdâng sa nkhiăn sa ƀer, nău kan mô tâm di “ndra ma mĭn rklă êng”, “Njêng nău kan mô ueh”.

Đồng chí Võ Văn Thưởng dăn đă, ăp gâl kan, ntŭk kan đảng, ủy ban mât uănh ăp gâl kan an geh rgum mĭn uănh, kơt nti, mbơh tơih ăp nău kan an geh săk rnglăy ăp nghị quyết, nău ntrŭnh, nglôch lôch, ntrŭnh mbơh bâh Đảng mpeh nău kan uănh nđôi, uănh năl, kỷ luật đảng. Rdâk njêng bôk nău kan, nău nchrăp uănh nđôi, uănh nău dơi kan, tâm di đah nău ngăn, nău kan ta ntŭk, n’gâng kan.

Nuĭh rblang: Thị Đoắt