Kruanh Quốc hội Vương Đình Huệ tât râng rơh rƀŭn nchră. Ntoh ngơi ta rơh rƀŭn nchră, kruanh Quốc hội Vương Đình Huệ lah na nê̆, rơh rƀŭn nchră aơ lah nău kan dŭt khlăy, lah nău nsan n’hanh geh nău trĕ lam mpeh nău mĭn hun hao, mpŏng uănh n’hanh geh âk nău ntoh kơl, mô dơn an êng n’gor Hà Tĩnh ma hôm nha lĕ ăp n’gor tâm nkual Bắc Trung Bộ, duyên hải Trung bộ lah nsum.

Tâm let năp tay, kruanh Quốc hội Vương Đình Huệ dăn đă n’gor Hà Tĩnh an geh ntrôl dăng nău kan đah 4 n’gâng kan tơm khlăy, 3 ntŭk nkuăl ƀon têh, 3 nău pah kan wăng sa n’hanh 1 ntŭk nsrôih an hun hao, n’hao nău dơi pah kan, nău ueh, săk rnglăy n’hanh nău tâm rlong bâh n’gâng kan wăng sa ta n’gor, n’hao nău geh, rgâl mhe nău rêh nău mĭn n’hanh ndơ dŏng, gay ma ƀon lan geh dơn nău geh bâh nău ueh hun hao.