Ôi lơ 9/8, ta nkuăl ƀon têh Nha Trang, n’gor Khánh Hòa, Radio nău ngơi VN, Ban Tuyên giáo Trung ương, Tổng cục chính trị tahen ƀon lan Việt Nam, n’gâng kan mât njrăng ngih dak n’hanh Ủy ban nhân dân n’gor Khánh Hòa ƀư Bôk nău kan rƀŭn nchră mbơh nău kan mpeh bôk nău kan chính luận nghệ thuật “Sâm geh têh ndrŏng bâh dak lêng neh dak”.

Aơ lah bôk nău kan chính luận ngih dak têh lam dak gay ma n’hao nău ryơk rnê, nsơm nuih mpôl rnoi, nău nsrôih mât ngih dak, dak lêng, gôl dak neh dak, n’hanh nău mpŏng uănh tay nău geh ƀư tĭng Nghị quyết Đại hội 13 bâh Đảng ta ăp nkual dak lêng, gôl dak bâh bôk năm kan tât aƀaơ. Bôk nău kan geh ƀư ta rnôk 8 mông măng lơ 12/8 atay geh 3 nău kan tơm đah ăp bôk nău : “Nău mĭn dak lêng”, “Việt Nam mpŏng tât têh ndrŏng bâh dak lêng”, “Việt Nam mpŏng tât têh dăng mpeh dak lêng”. Ta rơh rƀŭn mbơh, Nô Phạm Mạnh Hùng, groi Tổng Giám đốc Radio nău ngơi Việt Nam, groi kruanh rnâng kan ntĭm leo, kruanh rnâng kan leo ƀư bôk nău kan chính luận nghệ thuật “Sâm geh têh ndrŏng bâh dak lêng neh dak”; lah na nê̆ Việt Nam lah ngih dak dak lêng đah nău ŭch mât dŏng dak lêng, têh ndrŏng bâh dak lêng n’hanh mât đăp mpăn ta dak lêng, gay ma nsơm n’hao nău ryơk rnê , mât kan mpôl rnoi, nău nsrôih mât ƀư tơm gôl dak, dak lêng neh dak, n’hao nău mĭn mât rbăy n’hanh n’hao nău dơi bâh dak lêng, gôl dak Việt Nam.