VOV4.M’nông- kêng măng nar 30/3, ta Hà Nội lĕ geh ƀư rơh rƀŭn nchră mpeh nău kan tâm rgop đah kruanh dak n’hanh Ủy ban rnâng kan Quốc hội.

Rơh rƀŭn nchră dơn ngoăy uănh năl tâm ba năp nơh, ngăn lah năm kan Quốc hội khóa 13, 14 n’hanh bôk năm năm kan Quốc hội khóa 15 tât aƀaơ, nău tâm rgop kan đah kruanh dak đah Quốc hội, Ủy ban rnâng kan Quốc hội way geh n’hao, ăp nar lơ ma hăn tâm nău ngăn n’hanh dơi geh nău geh ueh, lĕ rngôch ta ăp nău kan. Mpeh nău kan let năp tay, kruanh dak Nguyễn Xuân Phúc nkah tay nău ntoh ngơi ntĭm đă khlăy bâh Tổng Bí thư Nguyễn Phú Trọng ta rơh ntơm pơk rƀŭn nchră tal 1, Quốc hội khóa 14, tâm nĕ dăn đă Quốc hội an geh ƀư tĭng pháp lý an nău kan bâh neh dak, kơl an nău kan hun hao wăng sa rêh jêng, mât đăp mpăn rnă njrăng, nchră nău đah dak bah dih.

Nuĭh rblang: Thị Đoắt