VOV4.M’nông- Nar aơ 30/5, rơh rƀŭn nchră tal 3, Quốc hội khóa 15 ntơm pơh pah kan tal 2. Tĭng bôk nău kan, ôi aơ Quốc hội djăt nău mbơh tơih bâh mpôl kan uănh nđôi n’hanh tâm nchră ta ntŭk rƀŭn nchră mpeh nău ƀư tĭng nău kơl, pháp luật tâm nău nchrăp kan bâh ntơm Luật geh nău nchrăp săk tam pah kan. Aơ lah nău khlăy, yor lah nău nchrăp hăn lor du njoat, mât đăp mpăn ngăch pah kah, nău ueh mbra geh dơh nơih ntrôl an hun hao wăng sa- rêh jêng bâh neh dak. Rlău ma rơh tâm cnhră nar aơ, tâm pơh Quốc hội hôm nha ntêm 2 nar pah kan geh ntoh ngơi n’hanh pơk rup sŏng dăng. Nĕ lah nar 1 n’hanh nar 2/6, tâm nchră mpeh uănh năl ntop tay nău geh ƀư tĭng nău nchrăp hun hao wăng sa- rêh jêng n’hanh tơm prăk ngih dak năm 2021, nău ƀư tĭng nău nchrăp hun hao wăng sa- rêh jêng n’hanh tơm prăk ngih dak ăp khay bôk năm 2022, nău nglôch lôch ƀư tĭng Nghị quyết mbrô 42 năm 2017 mpeh rlong ƀư uănh năl rnon jŏ trok bâh ăp ntŭk kan an manh prăk n’hanh ntoch jong tay mông nar dŏng lĕ rngôch nău ntrŭnh bâh Nghị quyết aơ.

Nuĭh rblang: Thị Đoắt