Rơh rƀŭn nchră geh bôk nău Yor nău hun hao nâp nâl n’hanh lĕ rngôch, đah nău tât râng kan bâh rlău 60 ntŭk kan bar dak ndrel ăp ntŭk kan nău kan, ăp doanh nghiệp.

Ntơm pơk rơh rƀŭn nchră, Bí thư thành ủy Hà nội Đinh Tiến Dũng an gĭt, tât aƀaơ geh rlău 38 ntŭk bâh Pháp n’hanh 18 n’gor, nkuăl ƀon têh bâh Việt Nam tât râng tâm ton kan đah 240 nău kan đah ăp ntŭk bâh 2 dak ta âk trong kan kơt dak si, ntĭm nti, mât di sản, ntŭk nău ngơi Pháp, hun hao ƀon lan, hun hao nâp nâl...Ntoh ngơi ta rơh rƀŭn nchră, groi Thủ tướng Trần Lưu Quang rnê âk bôk nău kan bâh rơh rƀŭn nchră tâm kơl đah ăp ntŭk gay ma ntrôl an hun hao ndâk nsơm hun hao nâp nâl lĕ rngôch lôch nuh srê Covid-19, rnê Hà Nội lĕ geh nău leo kan ƀư rơh rƀŭn nchră khlay aơ. Aơ dơi uănh lah ngoăy tâm nău ntŭk kan khlăy gay ma ntrôl tâm kơl đah ăp ntŭk n’hanh tâm nđur ƀon lan 2 dak.