Ôi 8/8 ta Hà Nội geh nau tâm nchră kon se bah neh dak tal 7 năm 2023. Râng tâm nchră kon se neh dak tal 7 (geh ƀư ntơm lơ 5-8/8) lah 188 kon se tă bah âk nkuăl bah lam dak. Ăp kon se lah ăp nŭih ntoh măt ntoh lư geh săch tă bah 43 n’gor, nkuăl ƀon têh, rmôt kan, ntoh măt ân 25 rkeh kon se tâm lam dak râng rƀŭn nchră. Tâm nchră kon se neh dak rnôk aơ, ăp oh geh mâp, tâm nchră ndrel ntoh nau bah nơm ndrel nau ŭch bah nơm tâm nkuăl nơm, ngih săm ƀŭt nơm, jrâu ntu nơm tât ăp rđau kan mpeh nau kan bah kon se.

5 nau kan geh ăp kon se nchră, mbơh luh ndrel đă gay bu têh geh nau kơl an kon se, kơt: Râng njrăng, rdâng nau tâm lơh, ndjơh kon se; Râng njrăng, rdâng, n’huch nau khuch rmanh, rmok dak, prah tâm tom ndeh; Râng nau mât kon se tâm ntrong mạng; Râng njrăng, rdâng nau rgâl mhe trôk nar, srê ji; Râng njrăng, rdâng kon se pah kan tih đah nau ntrŭnh bah pháp luật ndrel ăp nau kan êng ma kon se uănh khlay./.