VOV4.M’nông: Việt Nam ŭch pă nau rƀŏng ndrel nau blau nau kan bah dak ba dih tâm nau ndâk văng sa, rêh jêng ndrih, nâp nâl ndrel âk ntil, ntrŭt dăng nau săk tam bah Bôk nau kan ndâk ndrel hun hao văng sa, rêh jêng jêh bah Covid-19. Aơ lah nau lah rjăp bah Groi Thủ tướng Rnâng kan Phạm Bình Minh ta rơh rƀŭn lam ntur neh “Ntrŭt dăng nau ndâk văng sa ndrih ndrel âk ntil: Nau tă blau bah lam ntur neh” yor bôk nau kan hun hao Liên hợp quốc (UNDP) ndrel N’gâng kan nchră nau tâm rgop ƀư, ntơm tâm ôi 25/2 ta Hà Nội tĭng nau kan trực tuyến ndrel sŏng. Ntoh nau tâm nar rƀŭn, Groi Thủ tướng Rnâng kan Phạm Bình Minh lah rjăp: ntơm tă bah blau bah nau rgâl mhe, pơk mpông ndrel tâm rnglăp tâm rlau 35 năm rlau aơ, ăp nhoat rgâl, ntrơn ƀư bah Việt Nam kŏ geh ntoh tă bah nau rgâl mhe nau mĭn, nau kan, rƀŏng tât nau geh hun hao jŏ jong, rgum bah neh dak, nŭih ƀon lan. Ndrel rơh rƀŭn nar aơ lah nau nkhêp gay Việt Nam djăt ăp nau nkoch tă bah ăp nŭih, ăp ntŭk kan bah lam ntur neh, ăp nŭih mĭn njêng tâm ndrel ba dih dak, mpeh nau rƀŏng ndrel nau tă blau bah lam ntur neh tâm nau ndâk njêng văng sa rêh jêng ndrih, nâp ndrel ăp ntil./.

Nŭih rblang: H’Thi