VOV4.M’nông: Hun hao văng sa, rêh jêng ngăch, nâp nâl, ăp ntil tâm nau rgum tu tơm gay ma hun hao ăp nau kan, nau ƀư geh nau dơi, nau ntul rlong. Ndâk njêng nkuăl ƀon têh Buôn ma Thuột lah đô thị tơm khlay bah nkuăl Tây Nguyên đah du ntŭk ƀư nau kan ueh, mhe, đô thị blau, mpông trong bah nkuăl Tây Nguyên geh nsum đah nkuăl ndrel lam ntur neh. Aơ lah nau mĭn ŭch hun hao bah n’gor Dak Lak geh ndơ̆ luh tâm nar rƀŭn nchră rgop nau tâm nau rgum mbơh bah n’gor Dak Lak lvang năm 2021-2030, rƀŏng tât năm 2050 yor UBND n’gor Dak Lak ƀư tâm lơ 16/3.

Gay ma njêng nau hun hao, ăp ntoh măt ân lah: n’gor Dak Lak ân geh ntrŭnh ngăch nau ntuh kơl ăp nau kan, bôk nau ƀư kan, nau tơm gay ma tâm rgop tâm nkuăl, ngăn lah Ntŭk kan Thể thao nkaưl Tây Nguyên, trong teng mpeh ba dâng Nkuăl ƀon têh Buôn ma Thuột, trong hăn ngăch Buôn Ma Thuột-Nha Trang, trong nthoi Tuy Hoà-Buôn ma Thuột, rgum hun hao khoa học ndrel công nghệ, ngăn lah công nghệ nkoch mbơh nau. Ndrel ma nê, n’gor ân geh ndâk nau kan ntĭm nti ân nŭih kan ndrel nau rgum tu tơm kan ân nâp nâl lơn./.

Nŭih rblang: H’Thi