VOV4.M’nông: Ôi lơ 11/5, ta Ngih kan Quốc hội, ntơm rơh rƀŭn tal 11 bah Uỷ ban Rnâng kan Quốc hội. Tâm nar rƀŭn aơ, Uỷ ban Rnâng kan Quốc hội rgop nau đah 11 nkô̆ nau. Tâm nê, nau khlay ngăn lah nau mbơh mpeh văng sa, rêh jêng ndrel tơm prăk Ngih dak năm 2021 ndrel nau ƀư kan tâm ăp khay bôk năm 2022. Ngăn lah, tâm rơh rƀŭn aơ, Uỷ ban Rnâng kan Quốc hội rgop nau mpeh ăp nau mbơh Quốc hội uănh, ntrŭnh nau ntuh kơl Bôk nau kan nkra trong teng 4 nkuăl Thủ đô Hà Nội, Bôk nau kan trong teng 3 nkuăl ƀon têh Hồ Chí Minh, Bôk nau kan ndâk nkra trong hăn ngăch Châu Đốc-Cần Thơ-Sóc Trăng; Bôk nau kan nkra ntrong Khánh Hoà-Buôn Ma Thuột ndrel bôk nau kan nkra trong Biên Hoà-Vũng Tàu. Aơ lah ăp nau kan khlay bah neh dak tâm nau ƀư nau kan bah Quốc hội ntrŭnh nau ntuh kơl, geh dŏng âk ntil tơm prăk Trung ương, nkuăl, tơm prăk ntuh kơl jong năm ndrel tơm prăk tâm rnoh ân hun hao văng sa./.

Nŭih rblang: H’Thi