Lơ 6/4, ta ntŭk kan Chính phủ, Groi Thủ tướng Chính phủ Trần Hồng Hà ndrel Groi Thủ tướng Chính phủ Nga Dmitry Chernyshenko hŏ ndrel ƀư tơm rơh rƀŭn nchră tal 24 bah Uỷ ban tâm rgop Chính phủ Việt Nam-Nga mpeh nau tâm boh văng sa, tăch rgâl ndrel khoa học-kỹ thuật. Tâm rơh rƀŭn nchră, bar ding hŏ ndrel tâm nchră nau kơp, rgum lĕ nau ntrŭnh ƀư tĭng nau Nchih nkah bah rơh rƀŭn tal 23, nkre đă, tâm nchră, tâm ban ăp nau kan ntrŭt dăng tâm boh bar ding tâm nau kan văng sa, tăch rgâl ntuh kơl, khoa học-kỹ thuật, văn hoá, pâl n’aih, kŏ kơt lah năn doh rklaih ăp nau nkol tâm du đê̆ nau kan tâm boh.

Lôch rơh rƀŭn nchră, bar rđau kan hŏ ký ton nau nkah rơh rƀŭn tal 24 Uỷ ban tâm rgop Chính phủ Việt Nam-Nga mpeh nau tâm boh văng sa-tăch rgâl ndrel Khoa học-kỹ thuật ndrel tâm ban rơh rƀŭn ba kơi tă mra geh ƀư ta Nga tâm năm 2024, râng nau ký ton ăp nau nchrăp tâm boh tâm ăp nau kan Khoa học, công nghệ prêh./.