VOV4.Mnông- Ôi nar 11/1, ta Hà Nội, Tòa án nhân dân gâl têh leo ƀư rơh tâm nchră khoa học “rgâl mhe tư pháp ta Tòa án nhân dân tât năm 2030, mpŏng kan tât năm 2045 tâm di đah nău ŭch rdâk njêng, ƀư lôch ueh nău kan ngih dak Pháp quyền xã hội chủ nghĩa Việt Nam”. Ủy viên Bộ chính trị, kruanh dak Nguyễn Xuân Phúc, kruanh rnâng kan ntĭm leo rgâl mhe tư pháp Trung ương, kruanh rnâng kan ntĭm leo nău kan  “Ntrong kan rdâk njêng n’hanh ƀư lôch nău kan ngih dak pháp quyền xã hội chủ nghĩa Việt Nam tât năm 2030, mpŏng tât năm 2045” râng n’hanh ntoh ngơi ta rơh ntĭm đă. Ntoh ngơi ta rơh tâm nchră, kruanh dak Nguyễn Xuân Phúc dăn đă an geh mbơh dăn ăp ntrong kan rgâl mhe ta lvang bâh aƀaơ tât năm 2030, mpŏng tât năm 2045 tâm di đah nău ngăn bâh ngih dak n’hanh nău lăp kan nsum bâh lam ntur neh. Rgum ta ăp ntrong kan rgâl mhe mpeh nău leo kan n’hanh nău pah kan bâh Tòa án nhân dân, pă năl na nê̆ nău mât uănh hành chính bâh tòa án gay ma mât đăp mpăn nău dơi đah ăp gâl kan tòa án, rgâl mhe, ƀư lôch ăp nău kan lah phong tư pháp way kan, săk rnglăy.

Nuĭh rblang: Thị Đoắt