VOV4.M’nông-Ôi nar 4/10, ta Hà Nội, Viện hàn lâm khoa học xã hội Việt Nam ƀư rơh tâm nchră khoa học “Khoa học xã hội nhân văn lôch 10 năm ƀư tĭng Nghị quyết 20 mpeh hun hao khoa học n’hanh công nghệ”. Tĭng ăp đại biểu, kơp bâh ntơm geh ntrŭnh, Nghị quyết 20 lĕ nta nău nơih n’hanh nău nsrôih an hun hao khoa học n’hanh công nghệ ta lam dak.

       Rơh tâm nchră khoa học xã hội n’hanh nhân văn bâh 10 năm ƀư tĭng Nghị quyết 20.

Bâh nĕ pă mbơh ăp nău ngăch ndăn tâm nău n’hao nău dơi leo kan bâh Đảng n’hanh săk rnglăy, pah kan bâh lĕ trong kan chính trị, rgâl mhe nău hun hao wăng sa, geh âk nău tâm rgop na nê̆ tâm nău mât đăp mpăn ueh lăng chính trị n’hanh dăn đă ăp nău ntrŭnh, nău kơl rgâl mhe n’hao hun hao, n’hao nău dơi hun hao, n’hao nău dơi pah kan n’hanh soan dăng tâm rlong bâh n’gâng kan wăng sa, hun hao ăp ntŭk kan, n’gâng kan khoa học xã hội n’hanh nhân văn têh dăng, ăp nuĭh kan khoa học bôk nău kan. Yơn lah tâm rnôk pah kan ƀư tĭng Nghị quyết hôm nha geh âk nău kŏ khan. Âk nău kan bâh ăp nuĭh kan khoa học mô geh dơi uănh lah nău kan khoa học, an geh: rgâl mhe tay nău mĭn, gĭt vât mpeh nău kan, ntŭk kan bâh khoa học xã hội n’hanh nhân văn, geh nău ntuh kơl tâm di đah nău khlăy bâh n’gâng kan, hun hao mpôl way kan, ƀư na nê̆ ăp nău kơl mpeh pháp luật gay ma doh rklaih ăp nău hôm nha kŏ khan hôm nha geh mbơh tâm nghị quyết mbrô 20.

VOV/Nuĭh rblang: Thị Đoắt