Lơ 29/3, Rơh tâm nchră Lý luận tal 17 dah Đảng Cộng sản Việt Nam ndrel Đảng Cộng sản Trung Quốc hŏ geh ƀư tĭng nau kan trực tuyến. Rơh tâm nchră lý luận rơh aơ geh nkô̆ “Nau tă blau mpeh nau mhe tâm nau mât nau rêh tâm rnôk geh âk nau mhe”. Ntoh nau tâm nar tâm nchră, wa Nguyễn Xuân Thắng, Uỷ viên Bộ chính trị, Kruanh Hội đồng lý luận Trung ương, Giám đốc Học viện Chính trị Quốc gia Hồ Chí Minh lah kloh nau kan bah Đảng Cộng sản mro uănh khlay, ntô̆ n’hao nau kan mât nau rêh tâm rnôk mhe.

Nau cách mạng công nghiệp tal 4 ndrel nau ntoh bah công nghệ mhe leo tât âk nau mhe đah nau kan rđau kan bah Đảng mât nau hun hao nau rêh. Tâm rnôk tâm nchră, Kruanh rmôt kan bar ding tâm ban nau lah rjăp nau khlay bah nau n’hao tâm nchră đah bar Đảng tâm rnôk mhe./.