VOV4.M’nông-Ôi nar 7/6, ta nkuăl ƀon têh Buôn Ma Thuột, ntŭk kan mât kơl tahen ơm Việt Nam ƀư rơh tâm nchră mpôl tahen ơm tât vrâng mât ntŭk gŭ rêh, đah nău tât râng bâh đại biểu ăp mpôl tahen ơm 14 n’gor, nkuăl ƀon têh ta miền Trung- Tây Nguyên.

Tĭng ntŭk kan mpôl tahen ơm Việt Nam, bâh năm 2006, ntuk kan ndrel đah n’gâng kan tài nguyên n’hanh môi trường lĕ geh tâm ton ăp bôk nău kan tâm rgop pah kan mpeh mât ueh ntŭk gŭ rêh n’hanh mât dŏng neh ntu. Tât aƀaơ, ăp gâl kan ntŭk kan lĕ geh njêng 1.650 nău kan câu lạc bộ tahen ơm tât râng nău kan mât uănh ntŭk gŭ rêh. ăp câu lạc bộ mhe geh ăp nău kan sŏng dăng tât râng mât ueh ntŭk gŭ rêh, ƀư tĭng ăp nău kan mât ntŭk gŭ rêh, nkre lah rgŏ jă, mbơh tơih mpeh nău kan aơ. Âk rmôt kan mbơh tơih mât ueh ntŭk gŭ rêh gâl xã lĕ geh mpôl kan tahen ơm njêng n’hanh pah kan geh săk rnglăy. Ta rơh tâm nchră, ăp đại biểu lĕ ndrel tât râng tâm nchră, tâm mbơh ăp nkô̆ nău tâm nău mât leo tahen ơm tât râng mât ueh ntŭk gŭ rêh, tă gĭt kan mbơh tơih, rgŏ jă ƀon lan, n’hao nău gĭt vât, nău dơi an mpôl kan tahen, n’hao nău ƀư tơm tâm nău mât ueh ntŭk gŭ rêh.

Nuĭh rblang: Thị Đoắt