VOV4.M’nông: Tâm ngih kan Quốc hội, Uỷ ban văn hoá ntĭm nti bah Quốc hội tâm rgop nsum đah N’gâng kan Lao động, thương binh ndrel Xã hội ndrel Uỷ ban neh dak mpeh druh ndăm Việt Nam ƀư nau tâm nchră nau kơl an bah neh dak đagh druh ndăm năm 2022 đah nkô̆ “Nti nau kan ân druh ndăm”. Tâm rơh tâm nchră, ăp ntoh măt nchră du đê̆ nau kan khlay, kơt: Ăp nau ntrŭnh, ntrong kan bah Đảng, Ngih dak mpeh nau nti nau kan ân druh ndăm, nau nti nau kan ân druh ndăm ƀon lan, druh ndăm công nhân, druh ndăm rven rvo, druh ndăm rnoi mpôl đê̆, tahen lôch năm, kon se nti, sinh viên, ăp nau kan kơl an, đă mpeh nti nau kan ân druh ndăm tâm rnôk srê Covid-19 ndrel nau kan cách mạng công nghiệp tal 4, ndrel ăp nau kan êng geh tât. Nau tâm nchră kŏ lah rơh gay druh ndăm nkoch nau ŭch, nau đă đah ăp ntŭk kan ngih dak mpeh nau ân nti an ân druh ndăm. Ntơm bah nê kơl an n’gâng kan gĭt ndrel rklaih nau kan geh tât, rgop nau n’hao nau gĭt dơi bah druh ndăm ndrel lam ƀon lan mpeh nau nti kan./.

Nŭih rblang: H’Thi