Rơh thi tốt nghiệp trung học phổ thông năm aơ mbra ƀư ntơm bah nar 27 tât 30 khay 6 tât. Aƀaơ, Bộ Giáo dục n’hanh Đào tạo hŏ njêng 63 mpôl hăn uănh thi, chấm thi ta 63 Sở Giáo dục n’hanh Đào tạo. Bộ mbra njêng 10 mpôl hăn ôp uănh jru mpeh nău nchrăp an rơh thi tât 20 n’gor tâm lam dak đŏng. Mpeh hăn ôp uănh pah kan thi ta ăp n’gor, Bộ Giáo dục n’hanh Đào tạo njêng 63 mpôl hăn ôp uănh tât 63 Sở Giáo dục n’hanh Đào tạo (mô kơp ăp mpôl bah Ban rđău đă gưl neh dak).

Tĭng wa Nguyễn Đức Cường, Chánh Thanh tra Bộ Giáo dục n’hanh Đào tạo, rnoh âk cán bộ hăn ôp ŭanh na nê̆ tâm rnôk uănh thi ta du ntŭk thi năm aơ geh nău rgâl hŭch tâm di đah nău geh ngăn ngăn. Gay đăp mpăn pah kan hăn ôp uănh, tĭng ƀư di nău way, Bộ Giáo dục n’hanh Đào tạo ƀư tâm nchră kơi năp nti an ăp cán bộ n’gâng tơm mpeh ăp nhih nti đại học, Sở Giáo dục n’hanh Đào tạo mpeh pah kan uănh thi, chấm thi, lôch nê rmôt dja mbra lah n’gâng tơm gay ƀư ăp rơh tâm nchră kơi năp nti ta n’gor./.