VOV4.M’nông: Ôi lơ 22/2 hŏ geh nau ƀư “Lễ kí ton nau nkah tâm boh nau hun hao Ngih máy ueh mhe đah N’gâng kan Công thương ndrel Samsung Việt Nam” đah nkô̆ nau ntĭm nti 100 nŭih ƀư nau kan Việt Nam ndrel kơl mbơh nchră, rgâl mhe 50 ntŭk ƀư nau kan dŏng Ngih máy ueh mhe tâm 2 năm (2022-2023) gay n’hao nau dơi nau kan bah rmôt kan kơl mbơh nchră nau dak ba dih, rgâl mhe nau blau nau dŏng máy nkra tâm nau dơi blau mhe bah rmôt kan.

Ntoh nau tâm nar rƀŭn, Kruanh n’gâng kan Công thương Nguyễn Hồng Diên ân lah, nau kan săch ƀư kơt dŏng nau kan mrô tâm ngih máy mô geh tâm ban ma nau kan mra njêng ntrong pă mrô ndrel dŏng ƀư kan, ân geh nau tâm rgop nsum ăp nau kan dôl ma geh tâm ndrel ba dih ntŭk kan, ntơm bah nau ndâk nau nchrăp ân tât nau nchrăp leo rvăt dŏng./.

Nŭih rblang: H’Thi