Lôch hăn lăp joi du đêt trôm pư̆ lŭ ta Krông Nô, ăp nuĭh rnâng kan hŏ saơ tay du đêt mbah mhe ta trôm pư̆ C7 - mpeh Ndru me yôk ŭnh lam ntŭr neh UNESCO Dak Nông. Ăp nuĭh rnâng kan hŏ lăp joi tay nklăp 175m trôm pư̆. Đah nău saơ mhe dja, trôm pư̆ C7  hŏ n'hao tay lĕ rngôch rnoh jong rlău 1.240m.

Aơ lah trôm pư̆ lŭ dŭt jong nkual Đông Nam Á dơi năl geh kơp tât rnôk dja. Tâm ăp nar bah kơi nê, rmôt nuĭh rnâng kan mbra plơ̆ tay trôm pư̆ C7 gay ƀư weh ntrŏng n'hanh rdâk ƀư bản đồ 3D trôm pư̆. Aơ mbra lah tơm ndơ nsing khoa học khlay đah drăp ndơ ơm yău ntlơi an tay đah ndru me yôk ŭnh têh lam ntŭr neh bah n'gor Dak Nông, kơi ntop rnoh khlay an siƀŭt uănh năl di  tay bơi tât.

VOV Tây Nguyên/Nuĭh rblang: Điểu Thân