Nar aơ (5/9), nklăp 25 rkeh kon se nti, sinh viên lam dak  lăp ngăn tâm năm nti mhe 2024 - 2025. Aơ lah năm nti geh jâng ntơm khlay rnôk siƀŭt ntĭm nti phổ thông mhe, an ƀư ăp kôp ntơm bah jrô 1 tât jrô 12. Nkhêp geh khai giảng năm nti mhe 2024-2025, Tổng Bí thư, Kruanh dak Tô Lâm hŏ geh siƀŭt njuăl n’gâng kan ntĭm nti.

Tâm siƀŭt njuăl geh nchih: Nkhêp geh nar giảng năm nti mhe 2024 - 2025, gâp njuăl tât ăp nai ntĭm nti, cán bộ mât bôk kan, nuĭh kan hŏ n’hanh dôl pah kan tâm n’gâng kan ntĭm nti, ndrel ăp kon se nti, sinh viên, học viên n’hanh ăp me bơ̆ nău dêh rŏng ngăn  n’hanh ăp nău mbah rhơn dŭt uĕh lăng. Đah nău rhơn nđơr bah năm nti mhe, gâp nsing nơm ăp kon se nti, sinh viên, học viên mbra nsrôih kơt nti, tiăr nti, djăt n’hanh rƀah gĭt nău nti, jêng ăp nău dăng n’gâng tơm, rdâk njêng ăp nău nđơr têh kuâng gay rdâk njêng neh dak nar lơn ma geh jêng, rhơn răm. Dăn ăp nai ntĭm nti, cán bộ mât bôk kan, nuĭh kan tâm n’gâng kan ntĭm nti n’hanh ăp kon se nti, sinh viên, học viên way ngăch dăng, rhơn răm, geh nău dơi n’hanh geh âk dơi lơn đŏng tâm năm nti mhe.