VOV4.M'nông: Dơn nău jă bah Tổng thống Cộng hòa Singapore Halimah Yacob, Kruanh dak Nguyễn Xuân Phúc n'hanh i ur leo Mpôl ntơh măt gưl têh Việt Nam khâl gưl Ngih dak tât Singapore ntơm bah nar 24-26/2. Aơ lah hăn khâl gưl Ngih dak lor bôk năp bah du hê kruanh dak tât Singapore kơp ntơm bah rnôk nuh srê Covid-19 bôk năm 2020, lah hăn khâl lor bôk năp bah Kruanh dak tâm ban kơt kruanh rđău kan  gưl têh Việt Nam tât dak bah dih tâm năm 2022. Hăn khâl mbra njêng suan rhôp mhe gay ntrŭt ntrôl tâm boh bar dak, lơn lah tâm boh dâk hao tay wăng sa bar dak, lôch nê ƀư jru hvi lơn tâm boh têh jong Việt Nam – Singapore. Tât aƀaơ, Singapore lah 1 tâm 3 dak ntuh kơl têh ta Việt Nam, rgum lĕ rngôch 66 rmen đôlar đah bơi 2.900 ntŭk kan. Nkual công nghiệp Việt Nam-Singapore lah du nău ntĭt tâm boh bar dak n'hanh tât aƀaơ, tơm prăk bah Singapore ntuh kơl tâm ăp nkual công nghiệp ta Việt Nam hŏ hao tât 14 rmen đôlar./.

Nuĭh rblang: Điểu Thân