Thượng tướng Nguyễn Văn Nghĩa- Groi Tổng tham mưu kruanh Tahen ƀon lan Việt Nam râng đại hội. Tâm 5 năm ba năp, Binh đoàn 15 lĕ nsrôih mbơh tơih săk rnglăy nău kan tâm rlong geh nău dơi. Bâh nĕ, Binh đoàn 15 lĕ nsrôih an geh rlău 13.100 rmen prăk, nău geh rlău 800 rmen prăk, hao 183% đah rơh ba năp. Tâm nĕ, geh âk nău kan tâm rlong mĭn kan n’hanh geh săk rnglăy ntoh lư kơt “Tâm rgop prăk tâm pleh manh”, “kơl an bu ur tâm kơl kan hun hao wăng sa rnăk vâl”, “Mir tơm rong ƀư”, “Tăm ba tâm pleh đah tơm êng”, n’hanh “Ntuk tăm biăp tâm rnglăp” lĕ geh mbơh tơih nsĭt tay săk rnglăy ngăn ngên bâh nău kan tâm rlong geh nău dơi, ntop mât đăp mpăn rnă njrăng ngih dak ta ăp ntŭk geh ntŭk pah kan.