VOV4.M’nông – Jêh 6 nar pah kan, kêng măng 10/5, Rƀŭn nchră rơh tal 5 Ban Chấp hành Trung ương Đảng khóa 13 lĕ rƀŭn n’glôch jêh. Ngoăy tâm ăp nău dơi Tổng Bí thư Nguyễn Phú Trọng dŭt uănh tâm nău ntoh ngơi ta n’glôch jêh nĕ lah an nta njêng geh nău rgâl têh n’hanh ngăn ngên lơn tay tâm nău n’hao dơi ntĭm rđău, n’hâm soan nchăng n’gang bah rmôt kan ntŭk đảng; n’hanh ƀư lôch jêh nău rƀŏng, nău đă n’hanh ăp nău kan trong mkra n’gluh an.

Tổng Bí thư Nguyễn Phú Trọng ntoh ngơi n’glôch jêh.

Tổng Bí thư Nguyễn Phú Trọng đă, Ban Tổ chức Trung ương n’hanh ăp Ban Đảng, ăp ngih pah kan tâm ôp tâm nchră, kơl năuk ta Trung ương an ơm geh trong ntĭm ƀư; ăp n’gor, thành ủy, ăp đảng bộ mpeh tâm Trung ương an ngăch, nchrăp lor na nê̆ ăp nău mĭn, nău rƀŏng, nău kan n’hanh trong mkra ma Nghị quyết bah Trung ương lĕ n’gluh an. Ta rƀŭn, Ban Chấp hành Trung ương lĕ tâm ban ŭch nău ntrŭnh ndâk njêng Ban ntĭm rđău gưl n’gor mpeh njrăng n’gang sa khâm, sa ƀer.

Nuĭh rblang: Y Sưng Phê Ja