Nar 5/7, Ban Chấp hành Đảng bộ n’gor Dak Lak ƀư tâm nchră tâl 18 (pơk hvi). Ta tâm nchră ăp đại biểu hŏ tâm nchră, n’gluh ăp trong nkra hun hao wăng sa-  rêh jêng kon nuĭh 6 khay kêng dŭt năm. Tâm nê, rgum joi trong nkra ƀư ngăch n’hanh n’gluh tơm prăk ăp ntŭk rdâk njêng tơm, an lor ăp trong nchrăp mpeh 3 bôk nău tât kan gưl neh dak, bôk nău kan dâk hao tay n’hanh hun hao wăng sa, pah kan đă ntrơn du rong ntŭk ƀư trong cao tốc Buôn Ma Thuột -Khánh Hoà.

Ntrôl dăng lam ƀon lan mât rnă njrăng neh dak, rdâk nâp tay njrăng n’gang neh dak, mât nâp rnă njrăng chính trị đăp mpăn lam rêh jêng kon nuĭh. Lah ta rơh tâm nchră, Bí thư Tỉnh ủy Dak Lak – wa Nguyễn Đình Trung dăn đă: let năp tay, gưl ủy, n’gâng kan ăp gưl, ăp n’gâng kan grêt dêh tay ăp nău dơn kan chính trị bah n’gor gay rgâl mhe tay, n’hao săk tam pah kan rđău đă, ôp uănh,  ntrŭt ntrôl an tĭng ƀư ăp nghị quyết, nău ntrŭnh bah trung ương, bah n’gor./.