VOV4.M'nông: Nar 14/4, Ban chấp hành Đảng bộ n'gor Gia Lai ƀư Tâm nchră tâl pơh (pơk hvi). Tĭng uănh năl ta rnôk tâm nchră, nô nău hun hao wăng sa- rêh jêng kon nuĭh quý I năm 2022 ta n'gor Gia Lai geh nău mpơl dâk hao tay. Na nê̆, rnoh ngăch hao lĕ rngôch ndơ geh ƀư GRDP nchroh geh tât rlău 7%, sŏk ngân sách ngih dak geh rlău 1.660 rmen prăk, nsĭt geh tăch n'gluh quý I geh 200 rkeh USD, hao 25% rđĭl đah ndrel khay dja năm e nơh.

Ăp rnoh mpeh lĕ rngôch rnoh khlay ƀư njêng công nghiệp, tăch chrai ndơ hao rđĭl đah ndrel khay dja năm e nơh. Tâm nchră, tâm ban ŭch, tâm let năp tay, n'gor rgum an ƀư ăp trong nkra nta trong dơh gay dâk hao tay wăng sa, đăp mpăn lam rêh jêng kon nuĭh; dăp rgum tay nău kan tuch tăm mât rong tĭng trong rƀŏng rgâl si tăm, dŏng công nghệ cao; ntrôl dăng rdâk njêng ƀon lan mhe tĭng trong tâng jru, geh nău tam; n'hao dăng mât uănh neh ntu; ntrŭt ntrôl hun hao công nghiệp, ntop kơl doanh nghiệp ntrôl ngăch ntuh kơl; rgâl dơh glêh si ƀŭt kan./.

Nuĭh rblang: Điểu Thân