"Báo chí ân ngăch lơn, sôt hơr lơn, di lơn, rnâng kan lơn n'hanh dăch đah ngăn ngăn lơn". Nê lah nău đă bah Groi Thủ tướng Chính phủ Trần Hồng Hà ta Tâm nchră giao ban Báo chí bôk năm mhe Quý Mão 2023 dơi ƀư ôi 31/1, ta Hà Nội.

Nar ƀư tă bah Ban Tuyên giáo Trung ương, Bộ Thông tin n'hanh Truyền thông, Hội Nhà báo Việt Nam n'hanh Báo Nhân dân ƀư. Ndrel râng geh ăp kruanh nhih pah kan báo chí, ăp nhà báo kruanh cách mạng ơm n'hanh âk mpưm ăp phóng viên, biên tập viên… Ta tâm nchră, Vụ trưởng Vụ Báo chí - Xuất bản, Ban Tuyên giáo Trung ương Tống Văn Thanh an gĭt: Uănh nsum, ăp ấn phẩm, ƀoh rup, ƀoh ngơi Tết Quý Mão 2023 dơi ntuh kơl têh âk, săk ntơr uĕh mpeh bah lơ ntô; jru hvi, âk mpưm, hôr uĕh mpeh nkô̆. Ăp bôk nkô̆ ntoh lư dơi ăp nhih pah kan báo chí rgum nchih nê lah: Rhơn Đảng, rhơn năm mhe, rhơn neh dak nâp dăng rlău dơi ntul rlong lah ntŭk chrat ang dâk hao tay lôch bah nuh srê, nkah gĭt Kruanh Hồ Chí Minh têh kuâng; nsing nơm, rŏng nđơr nău mĭn n'hanh suan dăng tâm rnglăp rnoi nuĭh Việt Nam.

VOV/Nuĭh rblang: Điểu Thân