VOV4.M'nông: Nar 14/10, ta Hải Phòng, Tập đoàn Dữ liệu quốc tế ta Việt Nam (IDG Việt Nam) kan nsum đah Hội Truyền thông mbrô Việt Nam ƀư tâm nchră gưl neh dak mpeh Chính phủ mbrô 2022 đah nkô̆ "Trong ntĭt leo nuĭh ƀon lan mbrô, đại học mbrô,  nău kan logistics, dŏng âk rnoh mât prăp nău lư ƀon lan gŭ, neh ntu n'hanh trong nkra ntrŭt ntrôl rgâl mbrô gưl neh dak".

Ta rơh tâm nchră, ăp nuĭh rnâng kan hŏ tâm nkoch nău lư mpeh dŏng rnoh mât prăp nău lư ƀon lan gŭ, năl săk n'hanh năl di điện tử, trong ntĭt leo nuĭh ƀon lan mbrô, đại học mbrô, tăch rgâl mbrô…; nkoch mbơh ăp trong nkra công nghệ thông tin dŭt mhe gay hun hao wăng sa mbrô, lam nău rêh jêng mbrô, rƀŏng tât nău ŭch geh rgâl mbrô gưl neh dak lvang năm 2022-2025. Ban tổ chức hŏ nkhôm rnê ăp kruanh rđău kan rgâl mbrô ntoh lư 2022 (CDO Awards). Nkhêp geh rnôk dja, nkual ƀon têh Hải Phòng hŏ ntoh măt Cổng thông tin neh ntu nkual ƀon têh. Đah jâng nsing dja, nuĭh ƀon lan, doanh nghiệp ta nkual ƀon têh Hải Phòng mbra pơk uănh bah ngai, tât đah ăp nău lư tơm mpeh bản đồ, nău lư mpeh neh ntu, nău pă an si ƀŭt kơp dơn nău dơi dŏng neh… bah mpôl kan, rnăk wâl he du trong dơh soih./.

VOV.VN

Nuĭh rblang: Điểu Thân