Ôi 10/5, ta Labuan Bajo, Indonesia, Thủ tướng Phạm Minh Chính n’hanh Kruanh mpôl hăn ăp dak ASEAN râng Ntơm pơk n’hanh rơh rgum lĕ rngôch Tâm nchră gưl têh Hiệp hội ăp dak Đông Nam Á (ASEAN) tâl 42. Ntơm pơk tâm nchră, Tổng thống Indonesia, Joko Widodo rnê âk tâm nchră gưl têh ASEAN rơh dja ƀư tâm rnôk wăng sa lam ntŭr neh mô hŏ dâk hao tay lam lĕ rngôch, bah meng tâm rlong dak têh ndrŏng hô, ndrel âk rgoh n’gơ duh jêr, mô gĭt năl lor.

Tổng thống Indonesia nsing nơm an lah, tâm rnglăp n’hanh nău nsrôih nsum bah lĕ rngôch ăp dak ASEAN lah nău an ƀư lor bôk năp gay ASEAN ntô̆ n’hao suan dăng têk leo đăp mpăn n’hanh hun hao nkual. Thủ tướng Chính phủ Phạm Minh Chính mbah rhơn Tổng thống Joko Widodo n’hanh neh dak Indonesia dơn pleh ƀư Kruanh ASEAN 2023. Thủ tướng lah rjăp tâm rnglăp lah suan dăng têh, n’hanh ân mpơl ma nău mĭn n’hanh nău dâk kan na nê̆. Rdâk tâm rnglăp tay n’hanh dơn ngoăy nău kan n’gâng tơm an ASEAN đăp mpăn n’hanh nsrôih ndôr êng.