Ôi ntri (29/8), ta Hội trường Diên Hồng, Jay Quốc hội, Đảng ủy Khối ăp nhih pah kan Trung ương kan nsum đah Văn phòng Kruanh dak, Văn phòng Quốc hội, Học viện Chính trị quốc gia Hồ Chí Minh n’hanh Nhà xuất bản Chính trị quốc gia Sự thật ƀư Tâm nchră khoa học “55 năm tĭng ƀư nău ntĭnh ntăn bah Kruanh Hồ Chí Minh tâm ăp nhih pah kan Trung ương (1969 - 2024)”.

Lah ta rơh tâm nchră, Kruanh Quốc hội Trần Thanh Mẫn lah rjăp, 55 năm aơ, nău mĭn  n’hanh nău ntĭnh ntăn bah Wa way hăn ndrel rnoi nuĭh, sol chrat ang, têk ndrêng lam Đảng, lam ƀon lan, lam tahen he rôih sŏng n’hanh du nuih n’hâm tĭng đah n’gâng kan, trong uĕh di cách mạng bah Wa, nđơn tay ngăch prăl n’gâng kan cách mạng têh kuâng ma Wa hŏ du bông nău rêh n’groh an. Tâm let năp tay, Kruanh Quốc hội dăn đă, ân way grêt dăch nău rđău kan, nchŏng đă bah Trung ương Đảng, Bộ Chính trị, Ban Bí thư gay an ƀư lam lĕ rngôch, ăp kôp, tâng jru pah kan rdâk njêng Đảng, mât nâp nău way rgum geh nău tâm ban, ntik n’hao nău khlay rđău kan, găr ntil chính trị bah mpôl kan đảng, lor bôk năp lah tĭng ƀư jăp pah kan chính trị nău mĭn, rlăch ndăng ăp nău tih leh, êh rkeh, mât njrăng nâp jâng nsing nău mĭn bah Đảng.