Ta Thủ đô Paris, Pháp hŏ geh tâm nchră Khoa học đah nkô̆ “Dak lêng Biển Đông ndrel nau ƀư tơm bah Việt Nam” đah nau râng bah âk mpưm nŭih rđau kan ndrel ăp nŭih ŭch rŏng dak lêng Việt Nam. Ntoh nau tâm nar tâm nchră, Ntoh măt bah dak Việt Nam tâm Pháp Đinh Toàn Thắng rnê prêh nau nsôih bah ăp nŭih ndrel rmôt tâm nchră hŏ rgop nau ƀư tâm nchră. Wa ân lah, aơ lah nau kan geh nau khlay ngăn đah âk nŭih ƀon lan Việt Nam tâm dak ba dih, ngăn lah nŭih ƀon lan nơm ta Châu Âu, ntoh nau ŭch ndrel nau tâm dăch bah ƀon lan nơm tâm dak ba dih đah ƀon tơm, neh dak ndrel n’ăp ma ăp nŭih tơm bah neh dak, rnoi mpôl.

Ăp nau tâm nchră nkah tât nau rƀŏng tât Biển Đông ndrel nau kan mpeh ƀư tơm bah gôl dak Việt Nam, uănh tâm nau vay, nau ơm, chính trị ndrel pháp lí. Dak lêng ndrel nau ƀư tơm bah dak lêng mro lah nau kan geh uănh kơl an mô knŭng đah Việt Nam ma n’ăp ma ăp dak tâm lam ntur neh geh dak lêng. Đah 14 nau tâm nchră geh mbơh, tâm nchră rgop nau leo tât ân ƀon lan ăp nau kan uănh ndrel ăp nau blau ŭch gay ndrel nsum ty ndâk njêng ndrel hun hao tâm nau ryơk ƀư tơm bah neh dak bah ăp dak./.