VOV4.M’nông: Lơ 14/10, ta nkuăl ƀon têh Yên Bái, N’gâng kan neh dak, Ban Tuyên giáo Trung ương ndrel n’gor Yên Bái tâm rgop tâm nchră khoa học gưl neh dak nkah 70 năm nau dơi Tây Bắc đah nkô̆ “Nau dơi Tây bắc 1952-Nau geh ơm ndrel nau tă geh blau ơm”. Bah aƀaơ 70 năm, năm 1952, đah nau rđau kan bah Đảng ndrel Kruanh Hồ Chí Minh, tahen ndrel ƀon lan he tâm Tây Bắc đah nau tâm rgop bah ăp ntŭk tâm lơh, ăp n’gor bah lam dak hŏ nsĭt geh nau dơi têh tâm nau tâm lơh Tây Bắc.

Nau dơi aơ lah nau kan khlay ngăn bah nau ơm geh ntrong ƀư kan ueh, nkah tât nhoat dơi hun hao mhe, rgop nau leo nau tâm lơh mprơh Pháp rƀŏng hao geh nau dơi ngăn ngên. Tâm rơh tâm nchră, rlau 90 nau nchră hŏ rgum ƀư ueh tay nau khlay bah nau kan mpeh tahen, chính trị, văng sa bah nau dơi Tây Bắc gay ma njêng luh nau dơi ndrel n’hâm mhe ân nau tâm lơh Đông Xuân 1953-1954, lôch nau tâm lơh njrăng rdâng phung rlăng Pháp tât in pit./.

VOV/Nŭih rblang: H’Thi