VOV4.M'nông: Nkhêp geh 50 năm lơh dơi Đăk Tô- Tân Cảnh, ôi 22/4, Bộ Quốc phòng ƀư tơm kan nsum đah Tỉnh ủy Kon Tum ƀư rơh Tâm nchră khoa học gưl Bộ Quốc phòng đah nkô̆: “Lơh dơi Đăk Tô- Tân Cảnh- Rnoh khlay lịch sử n'hanh nău tă ơm gĭt nti". Đah rlău 80 nău mbơh, nău nchrăp dăn đă hŏ ƀư kloh nău mplư rlăm, tih djơh bah Mỹ n'hanh n'gâng kan Sài Gòn; ntŭk nsing n'hanh suan dăng bah cách mạng miền Nam n'hanh nău rdôl lơh têh geh nău dơi trong kan bôk năp “Việt Nam hóa chiến tranh”.

Tâm nchră hŏ rgop ƀư kloh, jru hvi lơn ăp nkô̆ nău lý luận n'hanh ngăn ngăn ndơ̆ luh ta ntŭk tâm lơh lơh dơi Đăk Tô- Tân Cảnh. Aơ lah ntŭk nsing khoa học gay kơt dŏng ngăn ngăn tâm nău kan tahen, njrăng n'gang neh dak rgop tĭng ƀư geh nău dơi n'gâng kan rdâk njêng n'hanh mât njrăng neh dak tâm nô nău mhe. Nkre rgop ntĭm nti nău way ơm rlăch ndăng cách mạng, bun dăp nuih n'hâm rŏng dak, nău n'hao êng săk rnoi nuĭh an cán bộ, tahen n'hanh ƀon lan./.

Nuĭh rblang: Điểu Thân