Ôi 1/3 ta Hà Nội, ƀư rơh hop Ban tổ chức tâm nchră khoa học: “Lơh dơi Điện Biên Phủ - Rnoh khlay lịch sử n’hanh têh kuâng rơh mhe”.

Gay nchrăp an tâm nchră ăp nhih pah kan geh tât hŏ ƀư rdâk njêng trong nchrăp; tât aƀaơ hŏ dơn geh 70 nău nchih dăn đă ta rnôk tâm nchră. Nkô̆ ăp nău nchrăp rgum ƀư kloh gung trong n’hanh nău rđău kan bah Đảng tâm rơh lơh Prăng, lơn lah nău mĭn têh jong bah Đảng, Kruanh Hồ Chí Minh, Tổng Quân ủy (aƀaơ lah Quân ủy Trung ương), Bộ Quốc phòng n’hanh nău lor nchrăp hăn lơh bah tahen n’hanh ƀon lan he tâm trong hăn lơh Điện Biên Phủ năm 1954. Gŭ mĭn ƀư kloh nău blău bah trong hăn lơh, nkô̆ geh nău dơi, nkô̆ hôr khlay lịch sử n’hanh ăp nău tă ơm gĭt bah rơh lơh dơi Điện Biên Phủ.

Tâm nchră nchrăp mbra dơi ƀư tâm nar 27-3-2024 tât, rgop n’hao nău gĭt êng dơn kan bah cán bộ, giảng viên, học viên, nuĭh kan, tahen bah Học viện Chính trị, Bộ Quốc phòng n’hanh cán bộ, nuĭh kan bah Viện Lịch sử Đảng, Học viện Chính trị quốc gia Hồ Chí Minh n’hanh Báo Quân đội nhân dân đah pah kan rơh rdâk njêng n’hanh mât njrăng neh dak Việt Nam xã hội chủ nghĩa tâm rơh mhe./.