Ôi (5/12), Bộ Chính trị, Ban Bí thư Trung ương Đảng ƀư tâm nchră lam dak gŭ mĭn, kơt nti, mbơh jru hvi ăp Nghị quyết Tâm nchră tâl 6, Ban Chấp hành Trung ương Đảng khóa 13, ma trong mâp na nê̆ nkre đah pơk sŏng dăng, nthoi bôk ƀoh Trung ương ta Hội trường Diên Hồng (Jay Quốc hội) đah ăp ntŭk ƀoh lam dak.

Ta rơh tâm nchră, ăp đại biểu djăt ăp way nkô̆ mpeh "Rdâk njêng n'hanh ƀư lôch jêh ăp tŏng Ngih dak pháp quyền xã hội chủ nghĩa Việt Nam tâm rơh mhe"; "Rgâl mhe tay trong rđău kan, mât bôk kan bah Đảng đah lam trong kan chính trị tâm rơh mhe"; "Ntrôl dăng tay công nghiệp mhe, têh mhe neh dak tât năm 2030, uănh ngai tât năm 2045”; "Rƀŏng trong dăp rgum lam neh dak rơh 2021 - 2030, uănh ngai tât năm 2050". Mpeh nău dơn kan, trong nkra rgum tơm rdâk njêng tay n'hanh lôch jêh ăp tŏng ngih dak pháp quyền xã hội chủ nghĩa Việt Nam tâm rơh mhe, Kruanh ban Nội chính Trung ương Phan Đình Trạc an gĭt, ntrôl dăng tay nău nkoch trêng, mbơh gĭt lam hvi ntĭm nti, n'hao nău gĭt êng mpeh Ngih dak pháp quyền xã hội chủ nghĩa Việt Nam.

VOV/Nuĭh rblang: Điểu Thân