VOV4.M'nông: Ôi 25/4, ta Nhih pah kan Chính phủ, Ƀan rđău đă gưl neh dak mpeh njrăng n'gang trôk nar lơh kan nsum đah Ủy ban gưl neh dak Rdâng lơh đah nău tât trôk nar lơh n'hanh kơl joi nuĭh ƀư Tâm nchră lam dak mpeh pah kan njrăng, n'gang trôk nar lơh  n'hanh kơl joi nuĭh năm 2022. Groi Thủ tướng Lê Văn Thành, Kruanh Ƀan rđău đă gưl neh dak ƀư tơm tâm nchră.

Lah ta rơh ntơm pơk tâm nchră, Bộ trưởng Bộ Nông nghiệp n'hanh Phát triển nông thôn Lê Minh Hoan, Groi Kruanh ƀan rnâng kan an gĭt, năm 2021, bol ăp dak lam ntŭr neh hŏ  dŭt nsrôih njrăng, n'gang trôk nar lơh yơn hŏ  geh 16.000 nuĭh khĭt, roh đŏng, lĕ rngôch roh huach rlău 340 rmen USD n'hanh khuch ăp ntil tât nău rêh, wăng sa bah âk dak, nkual. Tĭng nău năl bah Ntŭk nchroh lor trôk nar lơh gưl neh dak, năm 2022 nklăp ntoh phŭt dăng rlơ̆ đah nău way geh ăp năm đah nklăp 10- 12 tơ̆ phŭt n'hanh mih n'hach ta nkual dak lêng. Lôch nău tât trôk nar lơh ntơm bah bôk năm tât aƀaơ, he mbra dơi saơ, trôk nar lơh năm 2022 mbra tât dŭt n'hâm krit nji n'hanh mha êng.

Nuĭh rblang: Điểu Thân