6 khay aơ, Ủy ban Kiểm tra ăp gưl hŏ dâk rmal 92 mpôl kan Đảng n’hanh 2 rbăn 894 đảng viên. Tâm nê, Ủy ban Kiểm tra Trung ương dâk rmal 12 mpôl kan Đảng n’hanh 25 đảng viên. Aơ lah nău lư dơi n’gluh ta Tâm nchră lam dak Sơ kết pah kan hăn ôp uănh, groi nđôi 6 khay bôk năm n’hanh an ƀư nău dơn kan 6 khay kêng dŭt năm.

Ủy viên Bộ Chính trị, Bí thư Trung ương Đảng, Chủ nhiệm Ủy ban Kiểm tra Trung ương Trần Cẩm Tú ƀư tơm Tâm nchră. Lah ta rơh tâm nchră, wa Trần Cẩm Tú an gĭt: Lôch hăn ôp uănh groi nđôi rgop n’hao nău dơi rđău kan, suan rlăch ndăng bah mpôl kan đảng n’hanh nking nchăng, njrăng n’gang bah hŭch hêng mpeh nău mĭn, chính trị, nuih n’hâm uĕh lŏng, trong gŭ rêh bah du đêt cán bộ, đảng viên. Wa Trần Cẩm Tú dăn đă Uỷ ban Kiểm tra Trung ương n’hanh Uỷ ban Kiểm tra ăp gưl lor nchrăp tĭng ƀư pah kan dăp rgum, ăp tŏng, n’hao săk blău rmôt cán bộ hăn ôp uănh ăp gưl./.